Na Mwandishi Wetu, Gazetini
Michezo ya hatua ya nusu fainali ya michuano ya Kombe la Mataifa ya Afrika (AFCON) inatarajiwa kupigwa leo Februari 7, 2024.
Katika michuano hiyo ambapo mashabiki walishuhudia kushindwa na kuondolewa kwa timu maarufu, timu nne zilizosalia kwenye michuano hiyo zote zina historia ya kushinda barani Afrika.
Ikumbukwe kuwa katika timu nne zilizotinga hatua ya nusu fainali, Afrika Kusini imetwaa kombe hilo mara moja, Ivory Coast mara mbili, sawa na Kongo DR huku Nigeria ikitwaa mara nne.
Ivory Coast, wenyeji wa mechi hizo, waliweka matumaini ya kunyanyua kombe hilo kwa ushindi mnono dhidi ya Mali.
Nahodha wa Afrika Kusini, Ronwen Hayden Williams aliokoa penalti nne katika mchezo wa kusisimua dhidi ya Cape Verde na kusaidia katika ushindi wa Bafana Bafana.
Nigeria ilikuwa timu iliyoimarika hatua kwa hatua wakati wa michuano hiyo na kuweza kutinga nusu fainali kwa ushindi dhidi ya Angola, na Jamhuri ya Kidemokrasia ya Kongo licha ya kuwa nyuma ya Guinea, iliweza kurejea mchezoni na kutinga fainali ya timu nne za mashindano hayo.
Kwa njia hii, katika nusu fainali, Nigeria itacheza na Afrika Kusini leo Jumatano, na kisha Ivory Coast itacheza dhidi ya Jamhuri ya Kidemokrasia ya Kongo.
Mambo muhimu kuhusu nusu fainali
Afrika Kusini itamenyana na Nigeria mjini Boake, huku kocha, Hoopoe Bruce akisema timu yake “haina cha kupoteza,”.
Nigeria ambayo inapewa nafasi kubwa ya kufika fainali, ilishinda Kombe la Mataifa ya Afrika kwa mara ya mwisho mwaka wa 2013 na inatafuta taji lao la nne kwenye michuano hiyo.
Katika nusu fainali ya pili, wenyeji wanamenyana na Jamhuri ya Kidemokrasia ya Kongo katika Uwanja wa Alassane Ouattara mjini Abidjan.
Ikumbukwe kuwa mchezo bora zaidi wa Jamhuri ya Kidemokrasia ya Kongo ulikuwa dhidi ya Guinea, na timu hii ilipigana kwa moyo wake wote na kufanikiwa kushinda 1-3.
Timu hiyo italazimika kumenyana na Ivory Coast ambao walikuwa karibu kurejea nyumbani baada ya kufanya vibaya kwenye hatua ya makundi.
Ivory Coast ilimfukuza kocha Jean-Louis Gasse wakati ilionekana kana kwamba hawakuwa na nafasi ya kusonga mbele kutoka kwa kundi lao. Baada ya hapo, Emres Fae akawa kocha mkuu wa muda na aliweza kuzichabanga Senegal (mabingwa watetezi) na Mali.
Mechi ya fainali itafanyika Februari 11, mwaka huu mjini Abidjan, na mechi yakusaka mshindi wa tatu na nne itafanyika siku moja kabla ya yainali.
Je, nini kitatokea kwa miamba hii iliyosalia, ni jambo la kusubiri na kuona.
