MADRID, Hispania
REAL Madrid imeondoka na ushindi wa ugenini wa mabao 3-2 katika mchezo wao wa Ligi ya Mabingwa Ulaya dhidi ya wenyeji wao AEK Athens. Mechi ilichezwa jana Novemba 4, 2026.
Katika mchezo huo, Los Blancos walipata mabao yao kupitia kwa Jude Bellingham [Dk. 32], Kylian Mbappe [Dk. 78] na Federico Valverde [Dk. 92].
Hivyo, bao la Valverde ni la 49 kwa Madrid kufunga dakika za jioni kwenye historia ya Ligi ya Mabingwa Ulaya na ndiyo timu inayoongoza kwa kufanya hivyo.
Kwa upande mwingine, Madrid ya kocha Jose Mourinho imeendeleza ubabe wake msimu huu wa Ligi ya Mabingwa, ambapo imeshinda mechi zote nne ilizoshuka dimbani.
Pia, Madrid imeshinda mechi saba mfululizo za mashindano mbalimbali na watakuwa tena dimbani Jumamosi ya wiki hii kuikabili Valencia katika vita ya Ligi Kuu ya Hispania [La Liga].
