NEW YORK, Marekani
STAA huyo wa tenesi raia wa Serbia anapitia wakati mgumu. Ametoka kutolewa katika raundi ya kwanza ya msimu huu wa michuano ya US Open, akipoteza seti zote tano mbele ya nyota kutoka Argentina, Navone.
Katika mchezo huo, Djokovic mwenye umri wa miaka 39, ambaye hii ni mara yake ya kwanza kuishia raundi ya kwanza ya mashindano makubwa tangu mwaka 2006, alipoteza kwa kichapo cha seti 7-6 (7-5) 5-7 4-6 6-2 6-1.
Kwa mchezaji anayeongoza kwa mataji mengi (24) kwa upande wa wanaume, inaibua shaka juu ya hatima yake. Atarejea kwenye ubora wake au mwisho wake umefika?
Kwa wafuatiliaji wa mwenendo wake kwenye tenesi, imekuwa ni kawaida katika maisha ya Djokovic kuonekana amepotea, kisha kuinuka na kufanya makubwa.
Mwaka 2018, wengi walidai amekwisha baada ya miaka miwili ya bila taji na kushindwa kuingia ‘Top 20’ ya viwango vya ubora duniani.
Kinyume chake, Djokovic aliwashangaza wengi alipozinduka na kutwaa mataji makubwa manne kati matano yaliyofuata.
