Na Hassan Mwasha, Gazetini – DAR
MTIFUANO wa Ligi Kuu Bara msimu wa 2026-27 utaendelea leo Novemba 22, 2026, na moja ya mechi yenye msisimko mkali ni hii itakayozikutanisha Kagera Sugar na TRA United.
Kagera itakuwa nyumbani katika Uwanja wa Kaitaba ikiwa haina mwenendo mzuri msimu huu, ambapo inaburuza mkia kwenye msimamo.
Timu hiyo imekusanya pointi sita pekee katika mechi 11 ilizocheza msimu huu, ikishinda moja, sare tatu na kufungwa saba.
Kwa upande mwingine, wanakutana na TRA United, ambayo inashika nafasi ya 12 kwenye msimamo baada ya kukusanya pointi 11 katika michezo 11, ikishinda miwili, sare tano na kufungwa tano.
Aidha, wenyeji wa mchezo, Kagera Sugar, wanarudi uwanjani wakiwa na kumbukumbu mbaya ya kufungwa mabao 4-0 na Yanga katika mchezo uliopita, kabla ya kwenda mapumziko ya kalenda ya FIFA.
TRA United wao walau bado wana morali ya ushindi wa mabao 3-2 walioupata dhidi ya Fountain Gate katika mechi yao ya mwisho.
Rekodi yao dhidi ya TRA United ni jambo linaloweza kuwaongezea presha Kagera Sugar kwani wameshinda mechi moja tu kati ya tano walizokutana nao, wakifungwa mbili na kutoa sare mbili.
Tukutane Kaitaba …


