16.6 C
New York

Chelsea yabamizwa, Alonso afunguka

Published:

LONDON, Uingereza

KOCHA wa Chelsea, Xabi Alonso, amekiri kuwa vijana wake walizidiwa na Leeds United katika mchezo wa Ligi Kuu ya England uliochezwa leo Novemba 21, 2026, na Blues kutandikwa mabao 4-1.

Hiki kinakuwa kichapo cha pili mfululizo kwa Alonso na vijana wake baada ya kufungwa bao 1-0 na Sunderland katika mechi ya mwisho kabla ya kwenda kwenye mapumziko ya kalenda ya FIFA.

Emmanuel Emegha alianza kuifungia Chelsea lakini Leeds walisawazisha na kuongeza kupitia mabao mawili ya Noah Okafor.

Kama hiyo haikutosha, Leeds ya kocha Daniel Farke ilipata mabao mengine mawili kupitia kwa Dominic Calvert-Lewin na Brenden Aaronson.

“Tumehuzunika. Ilikuwa siku ngumu sana leo kwa kichapo hicho. Hatukuwa kama tulivyoanza Ligi. Mambo yamebadilika kidogo. Tunatakiwa kupambana kutafuta suluhisho,” amesema.

Chelsea wanaosubiri kuifuata Nottingham Forest katika mchezo ujao, wamebaki nafasi ya nane kwenye msimamo baada ya kushuka dimbani mara 11 msimu huu wa Ligi.

Related articles

Recent articles