LONDON, Uingereza
ALIYEWAHI kuwa beki tegemeo wa Liverpool, Jamie Carragher, amezitabiria Manchester City na Arsenal kutwaa taji la msimu huu wa Ligi Kuu ya England [EPL].
Carragher ametoa maoni hayo akihojiwa na kituo cha televisheni cha Sky Sports baada ya Liverpool kutandikwa mabao 3-0 na Manchester City.
Katika mechi hiyo ya jana Oktoba 11, 2026, Man City walipata ushindi huo wakati Liverpool ikimaliza pungufu baada ya Ryan Gravenberch kulimwa kadi nyekundu.
Kwa mtazamo wake, Carragher anaamini Enzo Maresca na Arsenal ndizo zenye nafasi kubwa ya kuondoka na taji safari hii.
“Arsenal na Man City ndizo timu bora kwa sasa. Tunajua wazi kwamba hakuna timu nyingine inayoweza kuzipa ushindani kwenye ubingwa,” amesema.
