MERSEYSIDE, Uingereza
MSHAMBULIAJI raia wa Ufaransa, Bradley Barcola, alipachika ‘hat trick’ jana Oktoba 14, 2026, wakati Liverpool ilipoitandika LASK Linz mabao 6-3 katika mechi ya Ligi ya Mabingwa Ulaya.
Kwa upande wake, hiyo ilikuwa mara ya kwanza kwa Barcola mwenye umri wa miaka 24 kufunga mabao matatu ya mchezo mmoja tangu alipoanza kucheza soka.
Kiwango hicho ni kama kimewajibu waliokuwa wakimkosoa nyota huyo wa zamani wa PSG baada ya kuanza vibaya maisha yake ndani ya Anfield.
Liverpool watarejea dimbani kwa mchezo wa Ligi ya Mabingwa wiki ijayo, ambapo watakuwa nyumbani kumenyana na wakongwe wa La Liga, Villarreal.
‘Majogoo’ hao wa Anfield wako nafasi ya tisa kwenye msimamo wa Ligi Kuu ya England [EPL] baada ya kukusanya pointi tisa pekee katika mechi sita za msimu huu.
