MANCHESTER, Uingereza
STRAIKA tishio wa Manchester City, Erling Haaland, hatokuwa uwanjani wakati timu hiyo itakapoivaa Brighton kesho Oktoba 28, 2026.
Kocha wa Man City, Enzo Maresca, amethibitisha hilo kuelekea mchezo huo wa raundi ya nne ya Kombe la Ligi [EFL Cup].
Haaland alipata majeraha wakati alipofunga bao katika mchezo wao dhidi ya Aston Villa wikiendi iliyopita, ambapo Man City ilishinda mabao 2-1.
Nyota huyo wa kimataifa wa Norway amekuwa wa moto msimu huu, ambapo ameshafunga mabao 13 katika mechi 11 za mashindano mbalimbali.
Wakati huo huo, Haaland aliyeshika nafasi ya nane katika kinyang’anyiro cha kuiwania Ballon d’Or ya mwaka huu, amekuwa na rekodi nzuri dhidi ya Brighton.
Katika mechi saba alizokutana na timu hiyo hivi karibuni, Haaland ameweza kufunga mabao saba, sawa na wastani wa bao moja kila baada ya dakika 90.
