BUENOS AIRES, Argentina
IKICHEZA mechi yake ya kwanza tangu nahodha Lionel Messi alipostaafu, timu ya soka ya Argentina ilipoteza kwa kichapo cha mabao 2-1 mbele ya Uruguay.
Timu hizo za Amerika ya Kusini zilivaana jana Novemba 13, 2026, ukiwa ni mchezo wa kirafiki ulio kwenye kalenda ya Shirikisho la Soka la Kimataifa [FIFA].
Nyota wa Argentina, Leonardo Balerdi alijifunga, kisha Uruguay kupata bao la pili kupitia kwa Maximiliano Araujo. Bao pekee la Argentina lilifungwa na Julian Alvarez.
Kwa upande wake, kiungo wa Argentina, Enzo Fernandez, amesema kikosi chao kilistahili ushindi katika mechi hiyo.
Akizungumza baada ya dakika 90 za mchezo huo waliokuwa nyumbani, Enzo anayekipiga Manchester City amesema: “Hatukustahili kufungwa. Uruguay walifunga mabao mawili yasiyotarajiwa,n tulikuwa bora kuliko wao.”


