MANCHESTER, Uingereza
KOCHA wa Manchester United, Michael Carrick, amesema hatarajii kufungashiwa virago klabuni hapo kama inavyoripotiwa na vyombo vya habari.
Carrick ameibuka na kauli hiyo baada ya Man United kuangukia pua kwa kichapo cha mabao 2-0 kutoka kwa Chelsea katika mchezo wa Ligi Kuu uliochezwa leo Oktoba 31, 2026.
Akizungumza baada ya dakika 90 za mechi hiyo, Carrick akihojia na kituo cha televisheni cha TNT Sports amesema atakuwa kwenye benchi katika mechi ijayo dhidi ya AS Roma.
Katika mchezo wao dhidi ya Blues, ‘Mashetani Wekundu’ walipoteza pointi zote tatu kwa mabao ya kipindi cha pili yaliyofungwa na Morgan Rogers na Cole Palmer.
Matokeo hayo yameiacha Man United katika nafasi ya 17 kwenye msimamo wa Ligi msimu huu wa 2026-27.
