Na Mwandishi Wetu
FAMILIA ya Hayati John Pombe Magufuli imetangaza rasmi ratiba ya kumbukizi ya miaka mitano tangu kifo cha aliyekuwa Rais wa Awamu ya Tano wa Tanzania.
Kupitia taarifa iliyotolewa na mtoto wake, Jesca Magufuli, wananchi wote wamekaribishwa kushiriki katika shughuli mbalimbali za kumbukizi zitakazofanyika tarehe 16 hadi 17 Machi 2026 katika kijiji cha Nyumbani kwake, Chato mkoani Geita Region.
Kwa mujibu wa ratiba hiyo, shughuli za siku ya kwanza 16 Machi 2026 zitaanza kwa mbio za asubuhi (jogging) zikielekea Hospitali ya Wilaya ya Chato, kisha kufuatiwa na uchangiaji wa damu.
Baada ya hapo kutakuwa na ziara ya kuzuru kaburi la hayati Magufuli, pamoja na kutoa msaada kwa wafungwa katika gereza la Chato. Shughuli za siku hiyo zitaendelea kwa chakula cha mchana cha pamoja, na baadaye kufungwa kwa Usiku wa Hayati (Mkesha).
Siku ya pili, 17 Machi 2026, itaanza kwa Misa ya kumbukizi itakayofanyika uwanja wa shule ya sekondari ya Nyumbani kwa Hayati Magufuli. Baada ya misa hiyo, viongozi na wananchi watapata nafasi ya kuzuru kaburi la hayati Magufuli, kabla ya kumalizia kwa chakula cha pamoja.
Familia imesisitiza kuwa wananchi wote wanakaribishwa kushiriki katika kumbukizi hizo kwa lengo la kuenzi mchango wa hayati Magufuli katika maendeleo ya Tanzania.
