Na Mwandishi Wetu, Bagamoyo
Chama cha Waandishi wa Habari za Mazingira Tanzania (JET) kwa ufadhili wa Shirika la Maendeleo la Ujerumani (GIZ) kwa niaba ya Serikali ya Ujerumani (BMZ) kimetoa mafunzo kwa waandishi wa habari 25 kuhusu migongano ya binadamu na wanyama pori(HWC).
Mafunzo hayo ya siku mbili Februari 22 na 23, 2024 ni sehemu ya Mradi wa Kupunguza Migongano ya Binadamu na Wanyamapori Tanzania yanashirikisha waandishi wa habari kutoka sehemu mbalimbali nchini ikiwa ni sehemu ya mradi huo wa mwaka mmoja.
Awali, akizungumzia mafunzo hayo Mkurugenzi Mtendaji wa JET, John Chikomo amesema Mafunzo hayo ambayo ni maalum kwa waandishi wa habari, yanaendeshwa kama sehemu ya mradi ili kuhakikisha uendelevu, mtandao unaoendelea na ushirikishwaji endelevu wa masuala ya mada katika mapitio ya wanyama (Shoroba) kama vile uhalifu wa wanyamapori wa binadamu, uwezeshaji wa jamii, mabadiliko ya hali ya hewa.
“Pia katika mafunzo haya waandishi wa habari watafundishwa pia kuhusu masuala ya kijinsia juu ya mogogoro hii ya binadamu na wanyamapori (HWC) na namna nzuri zaidi ya nalna ya kuripoti kwa usahihi migongano hii na uhifadhi wa bioanuwai.
“Hivyo, ili kuendeleza juhudi zilizopita, JET itawafundisha waandishi wa habari juu ya mada na masuala yaliyotokana na mazungumzo na mafunzo ya awali. Mienendo ya uhifadhi wa bioanuwai inazidi kuleta maswala ya ziada na yanayohusiana na matokeo ya mabadiliko ya hali ya hewa na kukabiliana na mifumo ya tabia ya kijamii na shughuli za maendeleo zilizotambuliwa na kuripotiwa katika tathmini ya mahitaji ya mafunzo ya awali,” amesema Chikomo.
Akigusia baadhi ya mada katika mafunzo hayo, Chikomo amesema kuwa itajumuisha mada zilizotajwa hapo juu kama vile uhalifu wa wanyamapori wa binadamu, uwezeshaji wa jamii, mabadiliko ya hali ya hewa, masuala ya kijinsia kuhusiana na HWC na namna bora ya kuandika habari kuhusu migongano hiyo ya binadamu na wanyama na uhifadhi wa bioanuwai na ushiriki wa wanawake na vijana katika uhifadhi.
“Zaidi ya hayo, wanahabari pia watajifunza dhana za ustahimilivu na urekebishaji kulingana na mfumo ikolojia na jinsi zinavyohusiana na muunganisho wa makazi katika mizani pana ya mandhari, tunataka kuimarisha uwezo wa waandishi wa habari na vyombo vya habari vya ndani ili kuripoti ukubwa na hatua za kupunguza HWC kwa ufanisi, kwa usahihi na inavyopaswa.
“Kuongeza uelewa wa wanajamii kuhusu masuala ya HWC katika mandhari ya Ruvuma, kuunganisha waandishi wa habari na watu wengi wa rasilimali katika sekta ya uhifadhi na vyombo vya habari ili kuongeza upatikanaji wao wa takwimu sahihi na taarifa za uhifadhi wa viumbe hai,” amesema Chikomo.
Akizungumzia matarajio yatakayotokana na mafunzo hayo, Chikomo amesema kuwa wanatarajia kuona Waandishi wa habari wa Tanzania na vyombo vya habari vya ndani wakijawza maarifa namna bora ya kuripoti kwa usahihi kuhusu HWC.
“Waandishi wa habari wakipata mafunzo wataweza kuandika habari na makala kwa kina kuhusu maudhui ya HWC, zikilenga sana kupunguza athari zake kwenye usalama wa maisha ya wanawake katika mandhari ya Ruvuma na mbinu bora za jamii, zinachapishwa katika njia mbalimbali za vyombo vya habari katika ngazi ya taifa na kanda.
“Pia tunatarajia kwamba kupitia machapisho haya yatakayotolewa na waandishi wa habari itasaidia kwa kiasi kikubwa kuwajengea uelewa ikiwamo kubadilisha mitazamo ya watu wa Ruvvuma kwa kuwasaidia kuwa na uelewa chanya na ushiriki mzuri (kwa mfano, tabia ya usalama, mbinu za kupunguza, njia za kuripoti matukio) kupitia taarifa sahihi kwenye njia za vyombo vya habari vya ndani.
“Mwisho ni kuona kwamba je wahusika wa vyombo vya habari katika mazingira ya Ruvuma wanatumia taarifa zinazozingatia jinsia kuhusu maudhui ya HWC, amesema Chikomo.
